Kryendeshja e kampionatit francez këtë javë do të jetë përballja mes kryesuesve të PSG dhe ekipit më historik të Francës Olimpikut të Marsejës. Sfida e emërtuar “Le Classique” është përballja më emocionuese dhe me më shumë rivalitet në futbollin francez, por edhe më emocionues do të jetë ky takim për ish-kapitenin e kombëtares shqiptare Lorik Cana.
Cana do të shkelmojë topin e parë në sfidën kundër ekipit të tij të parë në fillimin e karrierës së tij si futbollist profesionist. Ish-kapiteni i kombëtares i ka shënuar në vitin 2005 PSG-së në kohën që luante për ekipin e Marsejës, që ndryshe nga sot ishte ekipi superior në Francë.
Ky do të jetë një moment tejet i veçantë për Canën që do të nderohet për kontributin e tij sportiv mes yjeve të klasit botëror si Neymar, Cavani, Dani Alves, Di Maria dhe shumë të tjerë.
Për tifozët e kombëtares kuq e zi, një ceremoni e veçantë lamtumire u zhvillua në stadiumin e Shkodrës “Loro Boriçi” për kapitenin që e drejtoi ekipin drejt mbërritjes historike në kampionatin europian “Euro 2016”.