Studentët me anë të një letre i kanë drejtuar 4 kërkesa Ministrisë së Arsimit, që sipas tyre duhet të plotësohen deri nesër në orën 16:00 pasdite.

Në letrën e përgatitur nga Këshillat Studentorë të Universiteteve Publike, thuhet se “Studenti, i cilësuar në bazë të rregullores së institucionit të arsimit të lartë publik si përsëritës në një lëndë apo në shumë lëndë dhe vijon studimet në vitin pasardhës, i nënshtrohet tarifës së shkollimit për kredit për detyrimet apo lëndët përsëritëse, si dhe tarifës vjetore të shkollimit të vitit akademik në të cilin vazhdon studimet”.