Konflikti mes dy repereve Tayna dhe Dafina kanë pushtuar mediat rozë këto ditët e fundit, teksa ato nuk pushonin me diss-e të tyre të njëpasnjëshme për njëra tjetrën.

Së fundmi, mesa duket debati mes dy repereve ka rënë në qetësi, por një tjetër këngëtare e njohur shqiptare e cila është Adelina Ismajli, ka postuar në llogarinë e saj të Instagramit, Instatory një pjesë të Taynës e cila shihet duke bërë freestyle, por ky gjest i saj është marrë nga ndjekësit si një mbështetje e saj ndaj Tayna-s duke e lavdëruar atë për talentin e saj që ka.

“WOOOW! WOW! Si më paska shpëtuar kjo. Tjetër nivel. (Të flasim për komplekset, zemër)”- ka shkruar këngëtarja.

Kujtojmë se edhe Rina dashur pa dashur është përfshirë në “rivalitetin” e dyshes, pasi nëpermjet një postimi në “insta-story”, duket një thumb ndaj ish-rivales së saj, Taynas.

“Ju kan rrejt ju kan bo budall”, ka si mbishkrim fotoja që postoi Rina dhe ky mbishkrim është pjesë e tekstit të këngës “Zili Zili” nga Dafina Zeqiri. Madje dy artistet tani filluan të ndiqen edhe në Instagram.