Më pas Enca na bëri ‘lëmsh’ të gjithëve pasi postoi një foto ku shihej se po bënte ironi.

“Mua nuk më duhen dashnor për të mbërritur këtu ku jam”,- shkruajti ajo teksa askush nuk e kuptoi.

Më pas u pa se deklarata e Roselës bëri që Enca t’i kthehej keq duke postuar disa foto me mbishkrime ku e ironizonte, duke e quajtur gjyshe dhe se nuk e dinte se ishte ende gjallë.

Edhe pse Gjylbegu nuk reagoi për disa ditë më në fund, vetë Rosela është shprehur në idhje me këtë çështje. E ftuar në emisionin “Kush vjen për drekë”, Gjylbegu u pyet nga moderatorja Arjola Shehu në lidhje me konfliktin në fjalë.

Ndonëse në fillim u përpoq t’i bënte bisht çështjes, Rosela më tej u shpreh: “Mendoj që po ta zgjasim shumë këtë bisedë do të ishte e tepërt, kështu që nuk kam asnjë koment. Një gjë mund të them, unë s’jam nga ata njerëz që i pëlqen të bëjë gossip apo zhurmë.”

Ndërsa e pyetur nëse i erdhi keq që u përfshi në një situatë të tillë, ajo tha se nuk ndiente keqardhje, pasi kishte ndjerë dashurinë që publiku ka për të.

“Personalitetin tim e kam krijuar me sakrifica dhe kjo kam dashur të jem gjithmonë, të repsektohem nga publiku. S’më erdhi keq përderisa kuptova se publiku më do shumë.” -rrëfeu Gjylbegu.