Enca dhe Noizy patën një konflikt publik 4 vite më parë dhe dyshja prej asaj kohe i dhanë fund miqësisë së tyre, ku nuk kanë munguar thumbimet që ata kanë bërë ndaj njëri-tjetrit. Megjithatë, duket se ndoshta dy këngëtarët e njohur mund ta kenë lënë të shkuarën pas tyre. Këto aludime kanë nisur pas postimit të fundit që ka bërë Enca. Këngëtarja ka publikuar një video të sajën ku në sfond dëgjohet kënga “Bow Down”, që ajo e ka në bashkëpunim me reperin Noizy.

Kështu, kanë lindur dyshimet se ata mund të jenë pajtuar, mirëpo kjo nuk është hera e parë që Enca bën një postim të tillë. Megjithatë, para pak javësh, ajo nuk e mohoi që e ka menduar të pajtohet me Noizyn.