Kim Kardashian dhe Kanye West u mësynë nga fansat kur po dilnin nga prezantimi i sezonit të pestë të linjës fashion së producentit 39 vjeçar. Çifti i shumëpërfolur u pushtua menjëherë nga turma, të cilat kërkonin një autograf ose një foto me Kanye. Dhe natyrisht që Kim nuk mund të ishte më krenare se kaq. Ajo menjëherë ka kaluar në Twitter ku ndau me të gjithë ndjekësit e saj gjithë krenarinë për bashkëshortin. Ky është një lajm shumë i mirë për dy të martuarit dhe veçanërisht për Kanye pas zërave të shumtë gjatë muajve të kaluar sipas të cilëve Kim do ta braktiste pasi i kishin ardhur në majë të hundës problemet e tij. Kaq duket se mjaftoi për t’i rikthyer buzëqeshjen bukuroshes 36 vjeçare, një tufë fansash që donin një copë nga Kanye.