Gjithë banorët e Tiranës pas tërmetit të orës 22.08 morën vesh lajmin për një tërmet më të fortë që do binte në 23.00. Plot ankth e panik dolën të gjithë në rrugë apo morën makinat e dolën në ambiente të hapura. Ata nuk besuan as Edi Ramën që tha se është lajm i rremë dhe qëndruan jashtë derisa ora kaloi dhe për fat asgjë nuk ndodhi.

Më pas u fol për një tërmet të ri në 23.30 dhe ky rezultoi i rremë. Paniku vijon ende. Ndërsa ekpertët u përpoqën të qetësojnë që nuk parashikohen tërmetet dhe ju bënë thirrje banorëve të kthehen në shtëpi, po pak dëgjuan. Tronditja e tërmetit të së shtunës kuptohet që nuk ka kaluar ende.