Kryetari i Partisë Demokratike, Lulzim Basha ka njoftuar aleatët e tij në një mbledhje në orën 21:00. Arsyeja e kësaj mbledhje mendohet të jetë kriza politike dhe vendimi për arritjen ose jo të një marrëveshje me kryeministrin e vendit Edi Rama.

Ky është takimi i tretë që kreu demokrat ka zhvilluar me aleatët parlamentarë ditën e sotme. Takimi mësohet se do të bëhet  brenda selisë së Partisë Demokratike, ndërkohë që afati që Yee i la Bashës për vendosur në lidhje me pranimin ose jo të ofertës së McAllister, ka përfunduar.