Emisioni i kaluar i “Shiko Kush Luan” bëri bujë të madhe në mediat rozë për shkak të përgjigjeve të këngëtarit Young Zerka ndaj këngëtares Samanta Karavella e më pas për kundërpërgjigjet e kësaj të fundit.

Duket se kësaj here ishte radha e Samantës për të thënë atë që mendon për Zerkën në këtë program.

Këngëtarja shqiptare ishte një nga të ftuarat e mbrëmjes së sotme në “Shiko Kush LUAN” ku në lojën “Këmbët në…” iu desh të zbulonte emrat e dy personazheve ka dëshirë të bëjë bashkëpunim dhe dy të tjerë që nuk i ka fare si opsion për diçka të tillë.

Pasi përmendi Ardit Gjebrenë dhe Aurela Gaçen si emrat e saj të preferuar u ndal tek ata që nuk do bënte asnjëherë bashkëpunim:
“Ronela dhe meqë më përmendi tek loja e “Paintball” herën e kaluar, dikush që nuk kam qejf është Young Zerka”.