Pak ditë më parë Rita publikoi këtë këngë vetëm në versionin audio, por tani të gjithë vunë re një detaj shumë të rëndësishëm tek klipi i këngës.

Shumë e kuptuan këtë ngjashmëri dhe ia bënë të qartë Ritës në komente se për videoklipin e saj është frymëzuar nga klipi i Britney Spears “Everytime”.

Një pjesë e mirë e skenave janë të risjella nga videoklipi i Britney-t, por vetëm fabula ndryshon paksa. Në fillim të dyja këngëtaret shfaqen duke luftuar me jetën e tyre si personazhe të famshëm dhe të pasur, por në fund ndryshe nga Britney, Rita nuk ka një fat tragjik.

Të tjerët ja kanë vënë në dukje se e ka kopjuar, por dhe vetë Rita e pranoi se klipi i saj është një nderim për figurën ikonë të muzikës pop. “Hej Britney Spears kjo ishte për ty, sepse të dua shumë. I kushtoni homazhe personave që inspirojnë”, – ka shkruar Rita në ‘Instastory’.

Më poshtë mund të shihni klipin e këngës më të re nga Rita Ora.