Vetëm një javë më parë Justin Bieber lançoi këngën e re në bashkëpunim me Chris Brown e titulluar “Don’t check on me”, e cila është komentuar si një dedikim për Selena Gomez.
“Nëse nuk jemi së bashku, atëherë ndoshta është për një arsye,"-këndon Bieber. "Çdo thyerje zemre ka sezon e saj. Nuk është gjithmonë verë në qershor."

Por një lajm nga mediat e huaja rozë së fundmi thotë se Justin Bieber refuzon të ndërpresë kontaktet me ishin e tij, Selena Gomez pavarësisht faktit se është martuar me Hailey Baldwin.
Të dy, si Selena ashtu edhe Biber, vuajtën nga depresioni dhe luftuan shumë për ta kapërcyer këtë betejë. Sipas burimeve, ylli i popit po përpiqet ta bindë Selenën se edhe ai ka kaluar nëpër të njëjtën situatë dhe ka nevojë për këshillat e saj.

“Justin ndihet se duhet ti thojë asaj se është e mahnitshme dhe se është vërtetë i lumtur që po bëhet mirë,”-shtoi burimi. "Në këtë pikë, ai me të vërtetë ka nevojë vetëm ta lërë të shkojë.”