Mario Dedivanoviç është një ndër make up artistët më të famshëm në të gjithë botën dhe prej 10 vitesh ka bashkëpunuar me Kim Kardashian. Për të festuar këtë miqësi profesionale me bukuroshen amerikane, Mario dhe Kim K kanë hedhur në treg disa produkte të reja kozmetike, madje një produkt e kanë emëruar në shqip “ALBANIAN”.

Prej ditësh ata e kanë reklamuar bashkëpunimin e tyre të quajtur “KKW X MARIO”, ndërkohë që sot Kim kishte rezervuar disa fjalë të mira për shqiptarin Mario si dhe theksoi që ndihet shumë e lumtur dhe krenare për bashkëpunimin që erdhi në 10 vjetorin e njohjes me Marion. Nëse keni menduar se të gjithë këto produkte kanë ardhur prej punës së Marios gaboheni sepse Kim sapo shkroi që ka punuar fort në formulat e produkteve për sytë dhe buzët.

Sigurisht që make up artisti shqiptar nuk mund të mos komentonte në këtë foto, i cili shkroi 4 emoji me duar, pikërisht emojin “HI 5”.