Një vit priti që Presidenti Ilir Meta ta dekretonte në postin e kreut të SHISH. Por vetëm një ditë më pas, Kreu i Shërbimit Informativ Shtetëror Helidon Bendo u ka dërguar një mesazh drejtuesve të institucionit.
Helidon Bendo
"Të nderuar kolegë, Gjithçka e arritur dhe e ndërtuar nga SHISH-i është fryt i përpjekjeve tona të përbashkëta dhe i rolit të qindra punonjësve të ndershëm e profesionistëve të vërtetë të inteligjencës, me të cilët kemi bashkëpunuar e bashkëpunojmë ndër vite. Ndaj sot vlerësoj se është momenti, që bazuar te parimet bazë të punës sonë, si LIGJSHMERIA, OBJEKTIVITETI dhe SEKRETI, të angazhohemi për të çuar cilësisht përpara punën dhe produktin e Shërbimit Informativ të Shtetit".
Në letër, Bendo nuk kursen as bashkëpunimin me krerët institucioneve të tjera.
Helidon Bendo:
“Më lejoni të përçoj te çdo punonjës i Shërbimit vlerësimin dhe mbështetjen e Presidentit të Republikës, Kryeministrit dhe Komisionit parlamentar të Sigurisë Kombëtare”.