Kemi qenë gjithmonë kurioze se cila është vajza që i ka rrëmbyer zemrën Noizy-t dhe vetëm para disa ditësh ai na e prezantoi atë në rrjetet sociale, duke postuar imazhe ku ai shihej përkrah bukuroshes që jeton në Zvicër. Por siç duket gjërat tashmë kanë shkuar në një tjetër nivel, pasi reperi i njohur e ka sjellë Naomi Lareine në Shqipëri. Në një video të re të postuar në InstaStory, ata shihen në studion e regjistrimit, ku Naomi shihet duke kënduar, me siguri e pavetëdijshme se Noizy po e filmonte. Ata kanë darkuar së bashku gjithashtu dhe Naomi nuk mund të mos bënte një foto. Përveçse e dashura e reperit, ajo ka zhvilluar edhe karrierën e saj muzikore me grupin OTR, i themeluar nga reperi shqiptar. A thua vallë të jetë pjesë e këngës së re që pritet të publikojë Noizy me reperin e njohur Ghali?