“Donald Trump mendon se gruaja e tij do të jetë një Zonjë e Parë model dhe ja ku është prova” kështu shkruan New York Post në një shkrim dedikuar gruas së kandidatit republikan për president, Donald Trump, titulluar “Melanie Trump ashtu siç nuk e keni parë asnjëherë”.

Melanie Trump dikur me mbiemrin Knauss kishte pozuar për revistën ‘Max Magazine’ në janarin e vitit 1996.

“Melanie ishte shumë e mirë, ajo ishte fantastike dhe tepër e sjellshme me mua”, ka thënë për The Post,  Ale de Basseville, fotografi që kishte shkrepur këto foto nudo të Melani, teksa shton se ajo asnjëherë nuk është ndjerë në siklet ndërkohë që realizonin fotot.

Lidhur me këto foto Trump ka thënë se janë mëse të zakonshme.

“Melanie ka qenë ndër modelet më të njohura dhe ka pozuar edhe për revistat më të mëdha dhe këto foto janë mëse të zakonshme” ka thënë Trump.