Prej dy ditësh në mediat rozë po qarkullon lajmi se moderatorja Arbana Osmani është në një lidhje dashurie me regjisorin e emisionit të saj, Eduart Grishajn.

Para disa javësh mori dhenë lajmin që ajo dhe bashkëshorti i saj Ardit Kore janë ndarë pas 16 vitesh dhe tashmë flitet se moderatorja e suksesshme po jeton një romancë me Grishajn dhe janë portale të ndryshme si vipmagazine.al apo panoramaplus që kanë raportuar për këtë.

Por disa detaje kanë habur fansat. Në instagramet e tyre vihet re se se Arbana dhe Eduarti kanë realizuar edhe udhëtime së bashku, e një prej tyre është dhe ai i nëntor/dhjetor të vitit të kaluar. Madje të dy kanë publikuar dhe fotografi në profilet e tyre, por gjithmonë jo bashkë.

Edhe pse nuk ka ende asnjë konfirmim, fotot e tyre duke udhëtuar në vende të ndryshme datojnë që në vitin 2016.

Por nuk kanë munguar as fjalët e ëmbla dhe komentet me zemra në Instagram nuk mungojnë.

Në fund të puntatës finale të emisionit të sezonit të kaluar, Arbana u shpreh kështu:

“[...]Dhe i fundit, por jo më pak i rëndësishmi, Edi, regjisori i programit. Ngaqë njerëzit më shohin mua në program, mendojnë se unë jam programi. Në fakt, je ti. Ti i ke dhënë shpirtin këtij programi, e ke bërë unik siç ti vetë je.”

Nga ana tjetër, Grishaj shkroi në Instagram disa fjalë falenderuese për besimin e saj:

“Ishe ti që besove tek unë. Ishe ti mbështetja ime më e madhe. Në qoftë se unë kam arritur të bëj diçka të mirë në këtë projekt, është çdo gjë falë motivimit që mora nga ty. Jam me fat që isha pjesë e skuadrës tënde! Për një gjë jam i sigurt, je e vetmja në këtë vend që mund të bëjë një emision të tillë. Profesionalizmi yt do të jetë gjithmonë frymëzim për mua në çdo hap që do bëj unë! Faleminderit Arbana Osmani! [sic]”.