Rrjedhja e radioaktivitetit në Fukushima pas cunamit të marsit të 2011-s, ka ndikuar dukshëm në shtimin e rasteve të kancerit të tiroides.

Numri i fëmijëve të diagnostikuar me kancer të tiroides është 131, ndërsa mjekët kanë dyshime se ky numër do të rritet.

Prefektura e Fukushimës ka vënë në zbatim një program që ka për qëllim diagnostikimin e të gjithë personave që kanë qenë nën 18 vjeç në kohën e incidentit bërthamor.

300 mijë persona u janë nënshtruar kontrolleve, nga të cilët 131 kanë rezultuar me kancer të tiroides.

Që nga vitit 2014, numri i të prekurve është rritur me 30. Mes të sëmurëve është edhe një vajzë e vogël, e cila në kohën kur ndodhi incidenti, ka qenë vetëm 5 vjeçe, raporton “JapanTimes”.