Kandidati i Partisë Demokratike, Astrit Patozi i ftuar mbrëmjen e sotme në “Top Story” është shprehur se ai është në garën e Partisë Demokratike dhe jo në farsën e saj.
Sipas Patozit e gjithë kjo që po ndodh është thjesht një farsë dhe unë nuk do të bëhem pjesë e saj, kjo nuk është nisma ime por e mijëra demokratëve.
“Kjo çështje dorëzon formularin apo nuk dorëzon formularin është thjesht sinjalizim i një vullneti për ta devijuar dhe për ta çuar drejt një farse elektorale. Nisma ime nuk është personale, por nismë që ka ardhur nga reagimi i mijëra demokratëve. Ne nuk mund ta lëmë PD, peng të një personi”, tha Patozi.
Patozi tha se Lulzim Basha nuk jep dorëheqjen nga kreu i PD, pasi do të futet në një garë të kontrolluar për kreun e ri.
“Basha nuk e jep dorëheqjen, sepse do të futet në një garë të kontrolluar vetë, njëlloj si Rama, që kur ne protestonim në çadër thoshte se “mua më keni këtu, unë do vazhdojë historinë”. Ka një analogji, kryetari i vetëngrirë i PD sot iu mohon rivalëve të mundshëm, apo mua personalisht një mundësi për të pasur një garë të ndershme”, tha Patozi.