Pas ngjarjes së regjistruar në Shkodër kur Kryeministri Rama është pritur me protesta, ka reaguar dhe ish deputetit i PDs Astrit Patozi.
Nëpërmjet një postimi në rrjetin social facebook ai ka ironizuar "batutat" e Ramës një ditë më parë për fishkëllimën dhe pyllin.
“Kur të fillojë ajo lloj muzike, mos u mundo kot t'u tregosh bilbilave ku janë pemët, por përpiqu të gjesh një shteg për të dalë vetë nga pylli.”,shprehet ish deputeti.

MOS I TREGO BILBILIT PYLLIN
I dashur timonier,
Kërkoj ndjesë që e mora vesh me vonesë lajmin për fishkëllimat e djeshme në Pallatin e Sportit. Më falet, gjithësesi, dhe jam i justifikuar në një farë mënyre, se kam qenë i zënë me festimet e Ditës së Rinisë.
Por tani, që e pashë, një këshillë po ta jap. Kur të fillojë ajo lloj muzike, mos u mundo kot t'u tregosh bilbilave ku janë pemët, por përpiqu të gjesh një shteg për të dalë vetë nga pylli.
Se i bie se ka nisur që për ty të këndohet ajo kënga, që kishte interpretuar mbrëmë jo keq Ditmir Bushati "Pranvera filloi me ardhë, dhe bylbyli nis me knu..."