Edicioni i 81-të i Superligës Shqiptare ka nisur me fitoren e Kukësit ndaj rivalit direkt Partizanit. Me fitoren e sotme, Kukësi ka marrë hak në njëfarë mënyre ndaj Partizanit pas humbjes së Superkupës së Shqipërisë. Verilindorët kanë fituar 1-0 ndaj të kuqve, me një gol të shënuar nga pika e bardhë nga Shkurtaj.

Sulmuesi i njohur arriti që të gjejë rrugën e rrjetës në minutën e 38-të, pas një 11-metërshi të shkaktuar nga një ndërhyrje e gabuar e Boldor ndaj Ethemit .

Me kalimin e minutave presioni shtohej te të dyja skuadrat. Në minutën e 62-të, sulmuesi i Partizanit Solomon e tepron duke goditur me kokë mbrojtësin e Kukësit, Solomon.

Ky i fundit e shtyn, duke e përplasur me Teqja, ndërkohë që arbitri, Enea Jorgji nuk e ka toleruar aspak sjelljet e tyre duke i ndëshkuar të dy me karton të kuq.

Partizani nuk dorëzohet deri në fund duke krijuar të tjera mundësi, por nuk do të arrinin që të ishin të saktë. Kukësi ndërkohë arrin që të marrë 3 pikët e para në kampionat, duke fituar duelin e parë direkt ndaj skuadrës me të cilën do të luftojë për titullin kampion deri në fund, të paktën kështu duket në letër.

penallti from Vimeointv.al on Vimeo.