Selvi Yzeiraj, nëna e 12 vjeçares së përdhunuar, është arrestuar në muajin janar të këtij viti sëbashku me gjashtë  gra të tjera gjatë një operacioni për shkatërrimin e një baze prostitucioni, por ajo i ka mohuar këto akuza. E marrë në pyetje nga organi i akuzës nëna që shfrytëzonte vajzën, ka bërë rolin e viktimës, duke kërkuar mëshirë më mënyrë që ta linin të lirë, sepse kishte një vajzë të mitur, për të cilën duhet të kujdeses, pasi ajo ishte e sëmurë.

“Ju lutem më lini të lirë, unë kam një vajzë të vogël, e cila as nuk ha po të mos më ketë mua afër. Ajo vuan dhe nga sëmundjet, humb herë pas here ndjenjat dhe duhet të kujdesem për të. I duhet kujdesi im, është fëmijë pa baba.” Jo ka qënë deklarata e Selvie Yzeirajt pas arrestimit dhe kjo alibi duket se e ka prekur trupin gjykues dhe ka vendosur ta lërë të lirë.

Në bazë të përgjimeve, një ditë para arrestimit, Selvia u është përgjigjur disa telefonatave të bëra nga familjarët e saj, të cilët ishin vënë në dijeni nga mbesa e tyre për abuzimin seksual nga njerku.

Vëllezërit kanë kërkuar llogari të motrës pse ajo nuk ua kishte treguar këtë ngjarje të rëndë. Por ajo u është lutur të mos e bënin fajtore pasi kishte frikë publikimin e skandalit. Madje ajo u ka kërkuar vëllezërve të saj “ mos e shtyni vajzën të denoncojë, se ky muhabet do të harrohet”.

Dy ditë më parë, në dosjen e hetimit u shtua edhe përgjigja e Mjekësisë Ligjore të Tiranës që vërtetoi se ndaj të miturës nuk ishte abuzuar vetëm nga Ilmi Hoxha por edhe nga të tjerë.