Përdorën kartën e vjedhur, shikoni tentativën e çiftit për t'i shpëtuar policisë [VIDEO]

Publikuar më: 10:37 30-06-2018

Ka përfunduar në një aventurë tentativa e largimit të një çifti nga një supermarket të Kanadasë, pasi kishte blerë një pije freskuese.

Çifti kanadez donte të largohej nga supermarketi pasi përdori një kartë krediti të vjedhur. Por, dy të rinjtë nuk parashikuan aventurën me të cilën do të përballeshin.

Pronari i supermarketit në momentin që e kuptoi vendosi të thërrasë policinë. Kamerat e sigurisë tregojnë kthesat e papritura që mori gjithë historia, ndërsa çifti përpiqej të largohej pa rënë në pranga. Si në filmat pa zë, skenat që krijohen në ato momente të bëjnë vërtet për të qeshur.

Në fillim djali tenton të shtyjë vajzën drejt policit që kishte zënë derën me qëllim që të dalin jashtë, por polici i kap krahun, ndërsa pronari i dyqanit mbylli derën. Por, për të parë lëvizjet e tjera shikoni videon, ku djali shkon në magazinë për të gjetur një derë të dytë, por nuk arrin duke tentuar të qëllojë policin me një pako me fruta të thata.

Duke përfituar nga fakti që polici po merrej me të dashurin, vajza shkon në pjesën e pasme të supermarketit dhe hipën në disa shkallë me shpresën se do të gjente një rrugë - dalje, por pesha e rëndë bën që tavani të çahet dhe ajo të bjerë në banak.

Dy të rinjtë tani do të përballen me dënimin me burg.