Marrja e një sasie kripe në nivele të larta, gjë që është e zakonshme në shumë vende të përparuara, jo vetëm që shkakton hipertension dhe sëmundje kardiovaskulare, por i gërryen kockat nga brenda duke i mbushur ato me vrima. Ky është rezultati paraprak i një kërkimi të ri australian, i cili nëse konfirmohet, jep një prioritet edhe më të lartë në luftën kundër varësisë ndaj kripës. Shkencëtarët nga Baker Heart dhe Instituti i Diabetit në Sydney ushqyen minjtë në laborator për 12 javë në një dietë të lartë kripe (ekuivalente me 12 gram kripë në ditë, që është ajo që konsumojnë shumë) për të shqyrtuar efektet e tyre. Ata zbuluan se minjtë kishin sistem imunitar jashtëzakonisht aktiv dhe një numër të tepërt të qelizave të bardha të gjakut, të prodhuara nga qelizat burimore "rebele" në shpretkë. "Ne vazhduam të përpunonim të dhënat dhe dëshmitë u shumëzuan", tha autori kryesor I studimit Andrew Murphy. Studiuesit shqyrtuan eshtrat, ku qëndronin qelizat burimore dhe i gjetën të mbushur me vrima.
Qelizat immune hiperaktive, të rritura tepër pas ekspozimit ndaj niveleve të larta të kripës, kishin gërryer indet e eshtrave. Studimi është ende në fazën paraprake, por rezultatet janë prezantuar në konferenca kombëtare dhe ndërkombëtare. "Kockat nuk janë të ngurta. Ato përbëhen nga një tribunë për qelizat kockore, qelizat burimore që janë përgjegjëse për prodhimin e qelizave të reja të gjakut. Kur qelizat imune të fillojnë të gërryejnë kockat, qelizat stamilnale shpërndahen lirisht" shpjegon shkencëtari. Ato pastaj fillojnë të prodhojnë shumë qeliza të bardha të gjakut, të cilat mund të bllokojnë enët e gjakut dhe të ngrenë presionin e gjakut.
“Ky proces i injoruar deri më tani mund të shpjegojë pse dieta e kripës së lartë shkakton sulme në zemër, thotë Murphy.