Mund të tregoheni të kujdësshëm sa të doni, por gjithmonë ka mënyra për të dalë zbuluar, edhe aty ku nuk jua priste mendja. Një “spiun” i papritur mund të jetë edhe iPhone juaj, pavarësisht se e keni siguruar me fjalëkalim. Thika prapa shpine, pas asaj që ju i keni ngulur të dashurës apo të dashurit tuaj duke i tradhëtuar natyrisht, ju vjen nga Siri! Pikërisht ai! Rezulton që Siri mund të hack-ohet dhe tregon nëse dikush tradhëton ose jo pa nevojën e fjalëkalimit. Gjithçka filloi me një vajzë që përdor Tëitter nën emrin @afronomics, e cila gjeti një iPhone rastësëisht. Në vend që të përpiqej të gjente kodin korrekt, ajo iu drejtua Siri-t, i cili mesa duket nuk qenka edhe aq besnik sa kujtonim. Ajo e pyeti “Si e kam emrin?” dhe kaq mjaftoi që Siri të nxirrte gjithë informacionet personale të pronarit të iPhone. Më pas e pyeti se kë telefonon më shumë, duke marrë gjithë telefonatat e fundit dhe ato më të shpeshtat. Nëse doni të zbuloni diçka për pronarin e një iPhone, mjaftontë pyesni Sirin pasi ju tregon gjithçka, nga emri dhe adresa e pronarit, deri te notifications dhe thirrjet e fundit. Një tradhëtar i vërtetë!