Rreth 6 mijë tatimpagues kanë përfituar faljen e gjobave që kishin marr për mos deklarimin në kohë. Pas mbylljes së procesit të fshirjes së detyrimeve, Ministria e financave ka deklaruar se nga 111.356 subjekte që aplikuan kanë përfituar 6.309.
Llojet e dënimeve që u falen janë

• Listpagesë e TAP
• Deklarata të TVSH-së,
• Deklarata për destinimin e fitimit
• Deklaratë Tatim Fitimi/Tatim i Thjeshtuar i Fitimit
• Taksa Kombëtare etj.

Të gjithë tatimpaguesit që kanë përfituar do të gjejnë në llogarinë e tyre elektronike njoftimin përkatës.

Procesi i fshirjes automatike do të vijojë hap pas hapi me çdo zë që parashikon legjislacioni.

Kujtojmë se tatimpaguesit duhet të konsultohen me legjislacionin lidhur me detyrimet që përjashtohen nga falja. Informacioni i plotë i ligjit dhe udhëzimit të Ministrisë së Financave gjenden të publikuara në faqen zyrtare të tatimeve www.tatime.gov.al në rubrikën “Legjislacioni”.