Adrian Gaxha është një nga këngëtarët shqiptarë më të suksesshëm dhe simpatikë, por së fundmi ai ka qenë mjaft i rezervuar në jetën e tij private.

Askush nuk dinte asgjë rreth ndonjë romance të re në jetën e tij, por para disa kohësh disa detaje dolën në dritë rreth një vajze që ishte e panjohur për publikun.

Asgjë nuk u konfirmua nga Adriani dhe emri i vajzës nuk u zbulua. Tashmë “Iconstyle” ka zbuluar disa gjëra më shumë duke na çuar drejt konkluzionit se Adriani patjetër duhet të jetë në një lidhje.

Sipas tyre vajza quhet Sidorela Dauti dhe është me origjinë nga qyteti i Ferizajt. Siç është bërë e ditur dhe më parë, ajo në bion e profilit të saj në Instagram mban inicialet e këngëtarit shqiptar.

Por përtej kësaj, duket se gjërat janë bërë më serioze se kaq dhe pritet që lidhja e tyre të kalojë në një tjetër nivel.

E themi këtë marrë shkas nga komentet që babai i Adrianit lë në fotot e bukuroshes.

Dyshja ende nuk ka konfirmaur asgjë për njëri-tjetrin.