Janë luajtur sot ndeshjet e kthimit të vlefshme për Kupën e Shqipërisë dhe ndryshe nga ndeshjet e para, këtë herë nuk kemi surpriza. Partizani mposhti në dy takime Naftëtarin duke siguruar kualifikimin, e gjithashtu edhe Kukësi ka bërë sot detyrën duke përmbysur Egnatian.
Më pas në ndeshjet e orës 15:30, Tirana e Vllaznia kanë fituar pastër duke siguruar fazën tjetër, ndërsa mbetet vetëm takimi Lushnja-Apolonia për t’u zbuluar se sa do të përfundojë pasi rezultati ka qenë 2-2 në dy takime. Skuadrat kanë shkuar në shtesë.
Sopoti ishte surprizë pasi nuk u paraqit fare në ndeshjen e sotme duke e humbur në tavolinë.
Kukësi që në takimin e parë u mund 1-0 nga Egnatia, sot ka bërë kthesën duke fituar thellë 4-0. Golat për verilindorët i shënuan Guri në minutën e 19-të dhe 50-të, Krkotiç në të 25-ën dhe Kale në të 33-ën.
Përmbysja e Teutës ka qenë me të vërtetë dramatike pasi durrsakët ia kanë dalë vetëm në minutat e fundit. Në ndeshjen e parë të luajtur në Pukë kundër Tërbunit djemtë e drejtuar nga Gugash Magani humbën me rezultatin 1-0, ndërsa sot triumfuan me rezultatin e përgjithshëm 2-1. Dy golat për Teutën u shënuan në minutën e 80-të dhe të 83-ën me autorë Latif dhe Lena.

KUPA E SHQIPËRISË – GRUPI A
Teuta-Tërbuni 2-0 (0-1)
Shënues: Latif 80′, Lena (p) 83′
Vllaznia-Kastrioti 4-0 (0-0)
Shënues: 11′ Tafili, 30′ Ribaj, Borshi (ag) 60′ Vucaj 75′
Tirana-Besa 2-0 (2-1)
Shënues: 9′ 13′ Ngoo
Besëlidhja-Shënkolli 1-0 (2-0)
Shënues: 43′Bangura
Erzeni-Burreli 1-0 (1-2)
Shënues: Pasha (p) 63′
Kukësi-Egnatia 4-0 (0-1)
Guri 19′, 50′, Krkotiç 25′, Kale 33′
Nesër
13:00 | Kamza-Iliria (2-0)
E papërcaktuar

Mamurrasi – Skënderbeu (0-8)

KUPA E SHQIPËRISË – GRUPI B
Luftëtari-Elbasani 3-0 (3-0)
Shënues: Nunjez 20′ (11-m) 33′ Fakundo, Zijai 77′
Flamurtari-Dinamo 4-1 (2-0)
Shënues: Deliaj 13′ Zhufo 23′(p) Ibrahimi 46′ (p) 67’Hyseni/Hasa 21′
Korabi-Turbina 1–1 (2-3)
Shënues: 21′ Murrja / Roshi 76′
Lushnja-Apolonia 1–1 (1-1)
Shënues: 27′ Bufasi/ / Krasniqi 57′
Bylisi-Tomori 1–2 (3-0)
Shënues: 35′ Buzi/ Onuh 52′ 75′ Hyseni
Pogradeci-Shkumbini 1–1 (2-0)
Shënues: Dragoi 90’/ Nexha 28′
Partizani-Naftëtari 7-0 (6-2)
Shënues: Xhixhiua 5’, Bardhi 45′, 89′, Basrak 50′, Herrera 66′, Adorjan 74′ , Shahinas 79′
Laçi-Sopoti (12-0)
Sopoti nuk është paraqitur.

*** Në kllapa () rezultati i ndeshjeve të para ***, me të zezë skuadrat e kualifikuara.