IN SPORT
Përfundon ëndrra e Belgjikës, goli i Umtiti çon Francën në finalen e madhe! [VIDEO]

Përfundon ëndrra e Belgjikës, goli i Umtiti çon Francën në finalen e madhe! [VIDEO]

Publikuar më: 21:53 10-07-2018

Franca është finalistja e parë e Kupës së Botës në “Rusi 2018”. Skuadra e Didier Deschamps ka fituar minimalisht 1-0 ndaj Belgjikës në gjysmëfinalen e luajtur në “Shën Petersburg”, duke zhvilluar një ndeshje perfekte në mbrojtje dhe shumë cinike në sulm.

Në pjesën e parë, Belgjika dominoi për 20 minuta, por forma e kapitenit Hugo Lloris ruajti të paprekur rrjetën e Francës dhe minutë pas minute “gjelat” u rritën, në dëm të kundërshtarit.

Gjatë një goditje nga këndi, Samuel Umtiti fitoi duelin ajror me Fellaini dhe tundi rrjetën me një goditje të saktë me kokë, që nuk i dha mundësi reagimi portierit Thibaut Courtois.

Belgjika provoi të sulmonte, por pa prishur festën e ekipit të Didie Deschamps, që bëhet gati të shkruaj historinë. Në finalen e Moskës, më 15 korrik, do të ndeshet me Anglinë ose Kroacinë.

Kjo është hera e tretë që Franca do të jetë në finalen e Kupës së Botës, pas suksesit ndaj Brazilit në “Francë ‘98” dhe pas humbjes ndaj Italisë në “Gjermani 2006”.

 

radio TV

 

Të fundit

Kryesore

LIKE Shqip Top 10

poll
Article Logic
Execution time: 0.0033769607543945