Rikthehet debati midis dy kampeve politike për çështjen e përgjimeve. Ka pasur apo jo përgjime të paligjshme të zyrtarëve të lartë  apo edhe përfaqësuesve të lartë diplomatikë në vendin tonë? Debati i nisur pak javë më parë, mbeti në zhurmën e deklaratave. Tashmë çështja, ndërkohë që hetohet nga Prokuroria, ka mbërritur në Kuvend. Opozita këmbëngul ti shkojë deri në fund, ndërsa mazhoranca mbron idenë se nuk ka nevojë për hetime paralele me Prokurorinë.