Prokuroria e Tiranës nuk është mjaftuar me pezullimin nga detyra e Drejtorit të Policisë së Shtetit Haki Çako, lidhur me pajisjen e përgjimit, një çështje cila ka ndezur debatin politik në vend. 60 minuta pasi është bërë publike vendimi i organit të akuzës për pezullimin e Çakos, oficerët e policisë gjyqsore kanë ndërmarrë një tjetër hap. Policia ka mësyrë në ambientet e Drejtorisë së Policisë dhe ka sekuestruar disa materiale, si kompjutera dhe dokumenta. Kanë qënë dy oficerë të policisë gjyqsore që kanë kryer këto veprime, të shoqëruar nga prokurori i çështjes.
Ndërkohë në fund, Prokurori nuk ka pranuar të bëjë komente dhe është larguar nga aty me materialet në duar.