Byroja e Kuvendit mori sot pasdite vendimin për përjashtimin e ministrit të Jashtëm Ditmir Bushati dhe 6 deputetëve të opozitës për 10 ditë nga punimet e parlamentit pas problemeve të shkaktuara në seancën e sotme.
Në lidhje me këtë vendim reagoi edhe kryeministri Edi Rama. Sipas tij Bushati veproi instinktivisht, por gaboi. Madje kërkoi falje, por sërish u dënua pasi e meritoi.
Për më shumë lexoni statusin e plotë të kryeministrit;
Ditmir Bushati reagoi sot instinktivisht ndaj një agresioni të shëmtuar dhe gaboi!Kërkoi ndjesë publike e prapëseprapë u ndëshkua. Sepse për ne rregullat vlejnë njësoj për të gjithë dhe NE NUK JEMI NJESOJ SI ATA që jo vetëm s’e njohin ndjesën, po janë krenarë për shëmtitë e tyre!
14 Dec 2024 
