Maqedonia është përfshirë nga rreshje të dendura të shiut, të cilat kanë sjellë pasoja të rënda. Ministria e Punëve të Brendshme ka konfirmuar se si pasojë e motit të keq kanë humbur jetën 15 persona, ndërkohë që një nga banorët e zonës, ka raportuar për mediat vendase, se ka rreth 30 persona të që kanë humbur jetën, pasi janë të zhdukur. Mediat lokale raportojnë se viktimat janë nga Haraccina, Singeliqi dhe Stajkovci të cilat janë vendet më të goditura nga moti i keq që ka përfshirë mbrëmë Maqedoninë.

Nga reshjet, janë shkaktuar edhe dëme të mëdha materiale, ndërsa shumë banorë kanë mbetur të bllokuar nëpër fshatra.

Ekipe të policisë, ushtrisë, njësitë speciale, si dhe ato të Higjienës Komunale kanë dalë në terren.