I gjithë vendi është nën pushtetin e ujit. Në thuajse të gjitha zonat raportohen dhe përmbytje.
Në Tiranë në disa rrugë janë përmbytur katet e para të banesave dhe të dyqaneve. Në Tiranë, zona e Don Boskos rezulton totalisht e bllokuar dhe po kështu disa rrugë në Kombinat. Mësohet se dy mjete zjarrfikëse po përpiqen të zhbllokojnë situatën. E tek Parku i Autobusëve, pallati me Shigjeta dhe në zonën e Selitës situata nga rreshjet e dendura rezulton e rënduar.

Hyrja e rrugës Don Bosko, Tiranë

Pamje Tiranë

Që në orë e para të mëngjesit dhe kreu i Bashkisë, Veliaj thotë se bashkia ka marrë masa për situatën dhe për çdo emergjencë qytetarët të telefonojnë në numrin 112.

Ja postimi i Veliaj në Twetter:
Koleget e @BashkiaTiranë e kanë gdhirë, që shirat të na gjejnë gati! Për çdo nevojë TEL ☎️ 112 - nr unik i emergjencave.
 
Edhe në Lezhë, shiu ka qënë shumë intensiv dhe janë përmbytur disa lagje duke hyrë dhe në katet e para të banesave.

Ndërsa në Vlorë janë shënuar rreshje të dendura, ku janë përmbytur shumë banesa kryesisht në zonën e Skelës dhe disa rrugë.
Përmbytje janë shënuar dhe tek zona e Ujt të ftohtë dhe në Radhimë. Zonat më problematike janë akset rrugore nga Kampi i Puntorëve deri tek Uji i ftohtë, ku janë bllokuar disa mjete nga rënia dhe depozitimi i inerteve.

Pamje Vlorë

Edhe në zonën e Fierit raportohen që në Mbrostar, Libofshë e Qëndër Portez të jenë përmbytur tokat bujqësore.
Gjithashtu dhe në disa qytete si Kukësi, Tropoja dhe Shkodra sasia e reshjeve ka qenë shumë e madhe, pasi shiu ka nisur që të dielën paradite. Edhe qyteti i Durrësit po përballet me shumë problem sa i përket qarkullimit të automjeteve.  Sasia e madhe e reshjeve nuk ka lejuar qarkullimin lirshëm të makinave të vogla.

Pamje Durrës

Probleme nga rreshjet janë shfaqur dhe në shumë zona të tjera të vendit dhe pritet që ato të shtohen, pasi sinoptikanët lajmërojnë se shiu nuk do të ndalet të paktën këtë të hënë.

Vlora deri tani rezulton qyteti më i "goditur" nga përmbytjet.

Ja pamjet me video që sjell nga Vlora Newsbomb...