Kryeministri Rama ka qenë në orët e mbrëmjes i pranishëm në Kamëz për të parë nga afër situatën e përmbytjeve pas reshjeve të dendura të shiut që kanë përfshirë edhe këtë zonë. Rama ka biseduar gjatë inspektimit me kreun e Bashkisë së Kamzës, Xhelal Mziu, i cili e ka shoqëruar shefin e qeverisë në zonat problematike dhe të përfshira nga përmbytjet.

Kreyebashkiaku i ka treguar zonat dhe banesat e përmbytura ku bën me dije se janë evakuuar disa familje.

“Si asnjëherë tjetër, janë evakuuar 60 familje’ tha Mziu.

Ndërkohë Rama, në një status në profilin  tij, ka shkruar: “Vazhdon puna pa orar e as ndalesë për të lehtësuar peshën e familjeve të prekura dhe për të përballuar një natë të vështirë posaçërisht në jug të vendit, ndërkohë që edhe në pikat kritike të Tiranës, si këtu në Kamëz, po punohet non stop në bashkëpunim të ngushtë pa dallime partiake për të bërë më të mirën e mundshme. Ndjesë dhe sigurisht mirënjohje për bashkëpunimin e banorëve që kanë qenë apo do të jenë të detyruar të lëvizin nga shtëpitë e tyre”.