Ursula von der Leyen është zgjedhur presidente e Komisionit Europian.

60-vjeçarja, nënë e 7 fëmijëve është e para presidente femër e Komisionit Europian. Ajo zëvendëson në këtë post Jean Claude Juncker.

Von der Leyen deklaroi pak ditë më parë se do të mbështesë çeljen e negociatave për anëtarësim në Bashkimin Europian për Shqipërinë dhe Maqedoninë e Veriut.

“Do të kemi një Europë me klimë neutrale. Një Europë më tepër sociale dhe kompetitive. Një Europë që nuk e çon dëm potencialin e plotë. Një Europë që ka një impuls të ri për demokracinë europiane dhe që mbron mënyrën tonë europiane të jetesës”, premtoi në fjalimin e fundit përpara votimit në Strasburg.