Pezullohet nga detyra Prokurori i Lezhës, Gjergj Rudi. Urdhëri është dhënë nga  Prokurori i Përgjithshëm, Adriatik Llalla për shkak të skandalit që ndodhi në burgun e Shën Kollit, ku u lirua një i burgosur, që kërkohej nga drejtësia kosovare, Shuaip Zukaj.
Më herët, për këtë skandal u shkarkuar nga detyra edhe drejtori i burgut të Shën Kollit, Kant Ndoji me vendim të Ministrit të Drejtësisë Ylli Manjani me motivacionin “Neglizhencë në kryerjen e detyrës”.
Pak ditë më parë administrata e burgut në Shën Koll të Lezhës, liroi nga qelia pa vendim Gjykate një të dënuar me 20 vjet burg për akuzën e vrasjes në Kosovë. Shuaip Zukaj, i njohur ndryshe edhe me emrin Shaban Zukaj nga Deçani i Kosovës, është liruar nga burgu i Lezhës. Zukaj, me të mbaruar dënimin e marrë në Shqipëri për akuzën e vrasjes së mbetur në tentative është lënë i lirë.