Holanda sot ka dorëzuar zyrtarisht në Komizionin Europian projekt rezolutën e miratuar që kërkon rikthimin e vizave për shqiptarët, e cila u miratua pak kohë më parë në parlament.

Në letrën drejtuar komisionerit për migrimin dhe punët e jashtme, Dimitris Avramopulos, Holanda kërkoi me shkrim që Komisioni Europian të konsiderojë pezullimin e vizave për shtetasit shqiptarë.

Rezoluta që kërkon rikthimin e vizave për shqiptarët u votua më 16 prill në parlamentin holandez. Rezoluta u hartua nga 5 partitë, VVD, CDA, PVV, SP, CU dhe u votua me shumicë votash, 108 vota pro dhe 42 kundër.