Dy sulmuesit hodhën pajisje shpërthyese në klubin e quajtur “Bora Bora” në orët e para të mëngjesit. Mediat e huaja raportojnë se disa nga të plagosurit u lënduan gjatë rrëmujës së krijuar për të dalë nga klubi.

Dy sulmuesit e dyshuar, një burrë dhe një grua, janë arrestuar sipas kryebashkiakut Oscar Anibal Suarez, transmeton panorama. Kolonel Carlos Sierra Nino, komandant i forcave të policisë Antioquia, tha se dy njerëz iu afruan klubit të natës në një motoçikletë para se një eksploziv të hidhej në ndërtesë.

Motivi për sulmin nuk është ende i qartë, por Suarez sugjeroi se mund të jetë vendosur nga ndonjë bandë.