Plas në PD, një tjetër grupim kërkon dorëheqjen e Bashës, ja firmat

Publikuar më: 19:38 27-06-2017

Pas lëvizjes ‘Basha Ik’ një tjetër grup deputetësh dhe jo vetëm, është ngritur kundër kreut të PD-së, Lulzim Basha, ku kërkojnë dorëheqjen e tij, pas rezultatit të dobët të opozitës në zgjedhje. Mes emrave që kanë firmosur janë deputetë të PD-së, por edhe aktivistë të saj.Të shqetësuar:

-Për rezultatin katastrofik te PD në këto zgjedhje;

-Për thellimin e dobësimit të kapaciteteve konkuruese elektorale dhe organizative të PD-së

-Për shkeljet e rënda dhe nëpërkëmbjet statutore 4 vjeçare,

-Për kërcënimin e identitetit tonë si demokrate nga goditjet sistematike të qëllimshme e kompleksive të simboleve të PD,

-Për mospërfilljen e vazhdueshme të forumeve vendimmarrëse të PD-së;

-Për mungesën e një perspektive të afërt, të qartë,shpresëdhënëse për demokratët;

Të ndërgjegjshëm për peshën e rēndë të misionit opozitar përballë maxhorancës të pamerituar dhe të pakontrolluar të Edi Ramë-s e cila u mundësua nga sjellja e papërgjegjshme dhe pazaret okulte politike të Lulzim Bashës,

Të ndodhur në një situatë të paprecedent të rënies së rezultateve elektorale të PD-së gjatë kohës së qënies në opozitë dhe të precedentit të zbatuar ne PD nga Kryetari i Partisë,për raste të tilla;

Kërkojmë:

1.Dorëheqjen e menjëherëshme dhe të parevokueshme të Kryetarit, Lulzim

Basha, si përgjegjës i vetëm për humbjen e paprecedent dhe dramatike të PD në këto zgjedhje si dhe për dështimet e njëpasnjëshme elektorale gjatë mandatit të tij.

2. Fillimin e një procesi të analizës dhe reflektimit serioz e te pergjegjshem per Rindërtimin e shpejtë te PD, si hap i parë për ringritjen e të djathtës në Shqipëri.

3. Zhvillimin e një procesi zgjedhor gjithëpërfshirës dhe me garanci të

plota statutore dhe të çliruar nga çdo ndikim i hapur ose i fshehtë.

I bëjmë thirrje cdo demokrati që t'i bashkangjitet listës së hapur që shoqëron këtë qëndrim.

Besnik Mustafaj

Gjergj Lezhja

Tomorr Alizoti

Julian Deda

Leonard Olli

Zana Guxholli

Majlinda Bregu

Genc Ruli

Ridvan Bode