Para disa ditësh Fero u rrah keq nga 4 persona, një ngjarje që e vendosi reperin në qendër të vëmendjes, veçanërisht kur rrjedha mori një tjetër drejtim. Pasi personat u bënë publik duket se reperi mori hak kundër tyre dhe përfundoi në paraburgim.

Dje u publikua edhe një video ku reperi shfaqej në burg, por ajo që tërhoqi vëmendje ishte deklarata e tij ku thoshte: “Më mirë të jesh në burg sesa në spital”.

Mesa duket reperi i referohej postimit që kishte nxjerrë mbrëmë Baby G në Instagram, e cila shfaqej në spital dhe ç’është e vërteta dukej se ishte rëndë. Mendohet se Baby G dhe reperi Fero mund të kenë qenë në një lidhje, pasi kohët e fundit doli një foto e dyshes në momente intime.

Siç duket këngëtarja me anë të një postimi në Instastory i është kundërpërgjigjur Feros duke shkruar: "Më mirë në spital sesa prapa hekurave. Gangsterat e vërtet lëndohen, por nuk kapen".

Pak më vonë gjatë një videoje live të Baby G në sfond dëgjohej kënga e Feros "Gang, gang". Një nga miqtë e këngëtares i thotë ta ndërrojë këngën ndërsa ajo ja kthen: "Jo, s'ka lidhje, s'më plas, lëre".