Prej disa ditësh Noizy ka qenë në qendër të mediave rozë, fillimisht për përplasjen me MatoLale, ndërsa tani është kapur keq me Meriton Mjekiqin. E pas Meritonit, një zënkë në distancë ka nisur me Don Xhonin, reperin e talentuar.
Gjithçka ka nisur pasi Don Xhoni ka thumbuar Dullën, një prej anëtarëve të OTR duke i kujtuar përmes story-ve që i ka pëlqyer një nga postimet e tij, duke deklaruar se e ka “fans”.
Kaq ka mjaftuar që Noizy të kundërpërgjigjet.
Ai ka nxjerrë “arsenalin” që e priste prej kohësh, postimet e Don Xhonit të vogël që dëgjonte Noizyn para 8-9 vitesh si fëmijë.
“Kalo nga grupi jonë se ki me u bo gay. Hajde te idhulli jot, nuk të nguci të premtoj” – shprehet Rigelsi teksa e përmbyllë me mesazhin “Boll jena përça” të këngës që postonte dikur Don Xhoni në profilin e tij.
Ndërkaq nuk ka munguar as përgjigja e Don Xhonit. Ai ka shprehur respekt e “dashuri” për të gjithë reperët e vjetër duke thënë që i ka dëgjuar të gjithë sepse i ka vetëm 20 vjet. Por nuk ka ngelur pa ia përmendur faktin që anëtari i OTR i ka pëlqyer postimin.
15 Nov 2024 
