Mjaftoi vetëm një deklaratë e Einxhel Shkirës në emisionin “Rudina” në “Tv Klan” për të rindezur sherrin mes vazjave. Einxhel tha gjatë emisionit se ka vendosur ti falë njerëzit dhe të mos urrejë pavarësisht çfarë ka ndodhur, ndërsa shtoi gjithashtu se ajo është feministe gjithmonë në përkrahje të femrave.

Kaq ka mjaftuar që të reagojë mënjëherë Kejvina dhe direkt pas saj edhe Oriola. Kejvina na ka treguar një situatë krejt të kundër nga ajo që paraqiti Einxhel duke theksuar se në të vërtetë ajo ishte duke u shtirur, pasi jo vetëm që nuk I përkrah femrat, por ka tentuar me intriga ti prishë punë në një projekt të sajin.

“Mos më detyro të nxjerr mesazhet, mjaft u shtire, tregoj publikut se kush je në të vërtetë”, shkruan ndër të tjera Kejvina në një mesazh të publikuar në instagramin e saj.

Vetëm pak minuta më pas vjen edhe reagimi i Oriolës e cila e quan false moderatoren, ndërsa i thotë se është më mirë që të mbyllë gojën sesa të flasë për diçka që në të vërtetë nuk e mendon dhe as e zbaton.