Në party-n e 5 vjetorit të Bazaart ishin të ftuar yje të shumtë. Mes tyre ishin edhe dy reperet më të përfolura të momentit në Amerikë, Nicki Minaj dhe Cardi B. Vajzat kanë qenë në ’luftë të heshtur’ me njëra-tjetrën deri tani, por mbrëmjen e kaluar gjithçka i kaloi kufinjtë. Pak momente para se Christina Aguilera të performonte, ‘nisi lufta’.

Sipas raporteve të shumta, për të mos përmendur pamjet video, fotografitë, apo deklaratat, Nicki Minaj dhe Cardi B u përfshinë në një sherr. Duke mos u bërë ende të njohura shkaqet e vërteta të sherrit, flitet se Nicki ka qenë duke bërë një foto me Kelly Roëland dhe në atë moment është shfaqur Cardi B e cila është futur mes tyre. Kjo e fundit e gjuajti me këpucë. Në fund Cardi B u shfaq me një gungë në pjesën e ballit, pa këpucë dhe me fustanin e grisur.

Pas sherrit, kjo e fundit ka reaguar me një postim ku i drejtohet rivales së saj me fjalët: Të kam lejuar të më bësh ‘diss’, të gënjesh për mua, t’u thuash artistëve të tjerë që nëse bashkëpunojnë me mua, nukd o të rrish më me ta. Por kur përmend fëmijën tim dhe mënyrën time të prindërimit, nuk e lejoj’, shkruan Cardi B.