Martesa e Justin Bieber dhe Hailey Baldwin ka bërë prej kohësh tashmë namin në rrjetet sociale dhe komentohet kudo në internet në çdo detaj të ndryshëm.

Çifti as nuk e fsheh dashurinë për njëri-tjetrin dhe mund të themi se kemi parë çdo deklaratë të mundshme dashurie.

E megjithatë sado që Justin na shkrin zemrat me postimet për Hailey, kjo nuk do të thotë se fotoja e saj qëndron e postuar në laptopin e tij.

Në fakt në vend të saj qëndron një foto e Angelina Jolie, e cila është shkrepur gjatë periudhës kur ajo ka qenë në shkollë të mesme në Beverly Hills.

Si duket Angelina është një nga aktoret e preferuara të yllit të muzikës dhe e kuptojmë plotësisht në këtë pikë pasi shumica prej nesh e adhuron gjithashtu.

Siç mund t’i shihni edhe në fotot e mëposhtme, Justin dhe Hailey janë veshur “casual” dhe duken vërtet këndshëm.