Edhe pse “Për’puthen” ka përfunduar me sezonin e dytë, të rejat nga konkurrentët vazhdojnë.

Kësaj radhe janë Sindi dhe Blerimi që morën vëmendje me disa postime dedikuar njëri-tjetrit duke habitur ndjekësit e shumtë të tyre.

Ishte Sindi e para që publikoi një foto ku shihej krah Blerimit duke shkruar sipër: “Na duheshin edhe disa takime të tjera”.

Ky postim nuk u injorua nga Blerimi, përkundrazi ai e ripostoi foton me mbishkrimin: “Sigurisht o diamant që bën dritë!”

Kaq u desh dhe ndjekësit filluan aludimet se diçka po lind mes tyre dhe “Për’puthen” po vazhdon jashtë programit.

Sindi dhe Blerimi së fundmi kishin realizuar disa takime që ngjallën debate në studio pasi konkurrentët mendonin se ishte një lojë dhe jo pëlqim i vërtetë.

Pas largimit të Sindit nga programi këto dyshime u forcuan edhe më tepër pasi ajo deklaroi se ka pasur pëlqim për Locon dhe Muratin pa përmendur fare Blerimin.

Se a kanë ndryshuar gjërat jashtë dhe a do të kemi një çift të ri nga programi na mbetet të shohim në vijim.