Ditën e sotme, vajza e Lyrical Son, feston ditëlindjen, por i ati nuk mundet të jetë pranë saj. Edhe pse larg saj, ai i ka dedikuar disa fjalë për ta uruar Evën në ditën e saj më të veçantë.

“Urime zemër. Ishalla edhe plot të tjera me shëndet dhe lumturi. Po më dhemb shumë që nuk të kam afër për të të uruar siç duhet dhe për të puthur atë fytyrën e bardhë. Të dua shumë kaçurrelsja e babit. P.S puthe mamin për mua. Ju dua dhe shihemi shpejt kismet”,-shkruan reperi.

Siç duket, Lyrical Son nuk ka mundur ta festojë këtë ditë speciale me familjen. Arsyeja nuk dihet, por ka shumë gjasa që shkak të jetë ndonjë projekt muzikor, ose koncert. Lyrical Son, emri i vërtetë i të cilit është Festim Arifi pritet të bëhet baba për herë të dytë së shpejti.