Pikërisht kur menduan se sherri i tyre mori fund, Stresi dhe Noizy e kanë rindezur atë. Shkak u bë një fotosesion i Noizyt me Alketa Vejsiun në revistën e kësaj të fundit, fotosesion i cili titullohej “Ilirianët e kohës moderne”.

Prej këtij postimi, Stresi i tha Noizyt se ai vetëm shqiptar nuk është, por gollobordas, e padyshim nuk kishte se si të mungonte dhe reagimi i Noizyt. Përmes një postimi, të cilin më pas ai e ka fshirë, Noizy është tallur me Stresin, ndërsa ka zbuluar se më parë llogaria e reperit ishte me emrin “Vlonjati”.

Ndërsa, tani sërish ka reaguar Stresi i cili i përmend Noizyt pjesën e viteve më parë, kur dhe u plagos në qendër të Prishtinës.“Veç trimat hajnë plum b…, reperat trima hahahahha”, shkruan duke u tallur Stresi, teksa vazhdon “Athinë o malaka, ca të t’thotë vllai ty shihemi rrotull”, ndërsa shihet në fotografinë e publikuar një pistoletë dhe hashash.