Megjithëse doli çift me Andin nga emisioni “Për’puthen”, s’vonoi shumë që publiku të mësonte se Tea kishte qenë gjatë gjithë kohës në një lidhje me ish-konkurrentin nga Kosova, Beart Rexhepi. Fotot e çiftit duke u puthur bënë xhiron e rrjetit, madje ata u ftuan sërish në “Për’puthen” për të treguar përrallën e tyre të dashurisë.

Të gjithë e mbani mend që ish-konkurrentja, Shqipja, ka qenë ajo e cila publikoi fotot e çiftit në fjalë gjatë pushimeve të tyre, ndërkohë që së fundmi ka treguar një detaj që nuk e dinim.

Teksa ishte e ftuar në rubrikën “Trotuar”, Shqipja ka deklaruar se pasi ka bërë publike ato foto, është kërcënuar nga shoqëria dhe njerëz pranë Teas e Beartit.

“Kam marrë lloj lloj kërcënimesh, në rrjetet sociale dhe telefon pasi zbulova teatrin Tea-Beart. I njoh këta persona, por nuk intimidohem dhe s’më bën përshtpyje fare. Këta njerëz nuk e dinë se kë kam unë mbrapa.”, u shpreh Shqipja.

Kujtojmë që ditën e sotme po qarkullon lajmi se Tea dhe Bearti munë të jenë duke kaluar një krizë mes tyre dhe kjo pas disa deklaratave që bënë në rrjetet sociale. (SHIKO KËTU).