“Rebelde” është një ndër serialet më të ndjekura latine dhe mund të themi se një pjesë e madhe e shqiptarëve e kanë dashuruar këtë serial. Të gjithë e kujtojmë Mia Koluçin, Roberta Pardon, të urtën Lupita apo vajzën e hedhur dhe seksi, Viktoria Paz, që mori një famë akoma më ndërkombëtare në filmin ‘Teresa”.

Mund të themi se Angelique Boyer (Teresa) është aktorja më e pëlqyer latine e momentit, por nuk ngelet pas edhe Maite Perroni, e njohur gjerësisht edhe për publikun shqiptar me shumë role të ndryshme. Kjo e fundit ka komentuar në foton e fundit të bashkëshortit të Boyer, Sebastian Rulli. Ai ka postuar një foto në Instagram, ku shihet në plazh duke treguar trupin plot muskuj.

“Kur më pyesin se cilin filtër përdor, u them atyre ... nga 50 “Më djeg shumë dielli”, shkruan Rulli, por kjo ka shkaktuar shumë të qeshura dhe ndër personazhet që kanë komentuar bie në sy edhe Maite e cila me shaka e quan idiot, duke qeshur, ndërsa aktori i ka kthyer puthje. Mendojmë se Teresa nuk bëhet xheloze nga Perroni, pasi ajo dhe Rulli kanë qenë partnerë në serialin e fundit që kanë bërë./intv.al/