Policia Rrugore e Tiranës ka arrestuar 10 persona për situata të ndryshme: shpejtësia mbi norma, xhama të errët, apo drejtiumi i mjetit në gjendje të dehur.
‘’Nga kontrollet e deritanishme, janë verifikuar dhe arrestuar ne kushtet e flagrancës 10 persona, nga të cilët 8 për drejtim mjeti në gjendje të dehur dhe 2 të pa pajisur me leje drejtimi. Janë pezulluar 36 leje drejtimi, nga të cilat 25 për drejtim mjeti nën efektin e alkoolit dhe 11 të tjera për shpejtësi mbi normat e lejuara. Janë konstatuar dhe ndëshkuar 5 drejtues mjetesh për mos rregullim shpejtësie në qendrat e banuara. Janë konstatuar dhe ndëshkuar 8 drejtues mjetesh për xhama te errësuar. Janë konstatuar dhe ndaluar administrativisht 16 mjete për detyrime administrative të pashlyera
Si dhe janë vendosur 110 masa administrative për shkelje të tjera të rregullave të qarkullimit rrugor. Kontrollet do vazhdojnë pa ndërprerje, me qëllimin e vetëm, parandalimin e ngjarjeve rrugore me pasoja për jetën dhe shëndetin e përdoruesve te rrugës’’thuhet në njoftimin e policies rrugore.